Mbunge wa jimbo la Arumeru Mashariki mkoani Arusha Mhe. Joshua Nassari.

Na Woinde Shizza, Arusha
MBUNGE wa jimbo la Arumeru Mashariki mkoani Arusha Mhe. Joshua Nassari  anashikiliwa na jeshi la polisi kwa kutuhumiwa na tukio la kumteka mtendaji wa kata ya makiba.

Akithibitisha kutokea kwa tukio hilo kamanda wa polisi mkoa wa Arusha Lebaratus Sabas alisema kuwa Mhe Nassari  huyu alikamatwa majira ya saa moja usiku  December 16 katika eneo la Doli lililopo  katika kijiji cha UsaRiver  kwenye gari aina ya Land cruiser  lenye namba za usajili T 753 AQR.

Alisema kuwa mbunge huyo anatuhumiwa kumteka mtendaji kata aliyefahamika kwa jina la Nemani Ndundu  wa kata ya Makiba tarafa ya Mbuguni wilayani Arumeru mkoani Arusha  December 15  majira ya saa mbili asubuhi katika eneo la Maji ya Chai.

Kamanda Sabas amesema  mtendaji huyo alikumbwa na tukio hilo wakati alipokuwa katika pikipiki yake akielekea kwenye kata ambapo inatuhumiwa kuwa Mh. Nassari alimkamata na kumpiga na kumjeruhi katika sehemu mbalimbali za mwili wake huku akimtaka amuonyeshe majina ya wanachama waliopiga kura katika kituo cha  huduma na maendeleo kilichopo katika kata yake.

Kamanda Sabas alisema kuwa  mpaka sasa Mhe Joshua Nassari anashikiliwa na polisi na anatarajiwa kufikisha mahakamani  ya wilaya ya Arumeru leo December 17 kujibu tuhuma zinazomkabili.

Stori  stori: Mwandishi Wetu
UCHAGUZI wa Serikali za Mitaa uliofanyika nchi nzima juzi, umemuibua na kumfanya waziri mkuu wa zamani, Edward Lowassa (pichani) kuwa gumzo kubwa, baada ya kutajwa na wagombea kuwa ndiye turufu ya Chama Cha Mapinduzi (CCM) yaani mrithi muafaka wa Rais Jakaya Kikwete.

Waziri mkuu wa zamani, Edward Lowassa.

Wagombea mbalimbali  wa CCM waliozungumza na gazeti hili baada ya uchaguzi huo juzi, walisema Lowassa ambaye ni Mbunge wa Monduli, Arusha ndiye mtu pekee anayeweza kukabiliana na wapinzani, hasa wanaounda kundi la Ukawa, kwa kuwa vyama hivyo vina nguvu kubwa katika ukanda wa Kaskazini.

“Ukawa watakuwa na nguvu sana Kanda ya Kaskazini kutokana na Chadema, sasa kama CCM itamsimamisha mgombea anayekubalika kanda hiyo, ni wazi kuwa sehemu zingine za nchi itakuwa rahisi tu, Lowassa anakubalika sana Kaskazini, nadhani hata ndani ya chama chetu wenyewe wanajua,” alisema mgombea wa Uenyekiti wa mtaa mmoja uliopo Madale, wilayani  Kinondoni jijini Dar es Salaam.

Mgombea mwingine kutoka Sombetini jijini Arusha ambaye naye hakutaka kutajwa jina lake, alisema viongozi wengi wanaogombea katika vitongoji na vijiji, ni wafuasi wa Lowassa na wanaamini ndiye mkombozi wa chama tawala katika uchaguzi mkuu ujao, vinginevyo watapata taabu kushinda kwa vile watu wengi wanaotajwa kuwania nafasi hiyo wanapwaya ukiangalia sifa zao.

Naye Maalim Hassan Yahya Hussein aliyejiunga na CCM wiki iliyopita akitokea Chadema akiwa Mtaa wa Mzimuni , Magomeni  Dar, siku ya kupiga kura alikuwa na haya ya kusema:

“Kati ya watu wanaotajwa kuwania hii nafasi, nadhani mwenye kustahili ni yeye (Lowassa) tu kwa sababu hawa wengine itakuwa ni kazi sana kuwauza ndani ya chama, hawauziki, lakini Lowassa kila mtu anajua utendaji wake, anauzika na hata vijana wengi wanamkubali.”

Uchaguzi wa serikali za mitaa ulifanyika Jumapili iliyopita huku maeneo mengi wagombea wa Chama Cha Mapinduzi wakipita bila kupingwa kutokana na sababu mbalimbali kama vile vyama vya upinzani kukosa wagombea wenye sifa baada ya kuwekewa pingamizi.